外界成日批評政治助理匿埋唔見人，白(才豆)人工但就唔知做緊乜？唔知係咪畀人鬧得多，佢哋終於知衰，所以有個別嘅政助開始主動啲，甚至識得去摸吓底嘞！

徐英偉（前左三）、施俊輝（前左二）同黎穎瑜（前右三）與國際青商會新一屆領導層溝通交流。（互聯網圖片）

話說國際青年商會香港總會最近選出新一屆領導層，明年初正式履新，民政事務局政治助理徐英偉、教育局政治助理施俊輝同勞工及福利局政治助理黎穎瑜三人趁佢哋上任前，提早溝通交流吓。

叫得做青年商會，青商代表之一、青年事務委員會委員簡汝謙等人對商業、青年工作等都有一套想法，唔知大家有無因應最近佔領行動交換睇法，趁機度橋諗吓點樣更全面收集青年人意見，真正做到下情上達呢？

第一手消息請下載on.cc東網iPhone/iPad/Android/Windows Phone Apps