SUN搞作：少膽虫手記：睇肉最實際
「塞……塞……塞實！」淫賤黎哀怨道。「明明叫人開房……開集屍會，點解？」少膽虫在房外踱步，遲遲不敢進入。「啊！塞實出唔到呀！」淫賤黎大嘆。「出唔到咁大鑊？」少膽虫按捺不住入房，一看大吃一驚，估唔到個個正襟危坐，「腦細，咩出唔到？」
淫賤黎怒道︰「仲要問？日日畀人塞住個門口，《爛果》出唔到紙，你話大唔大鑊？為咗挽救頹勢，先叫你哋入嚟開會。」《爛果》一向唔掂，邊有計救亡？房內鴉雀無聲，淫賤黎一句︰「大搞體育版啦！」《爛果》一向主打灑鹽花，體育咁正經，邊符合報格？「腦細，咁做唔掂喎……」少膽虫鼓起勇氣進諫。「少膽虫，你幾錢人工？等我加到你有萬四蚊人工先同我講嘢！」淫賤黎不屑。少膽虫為咗大家，再次豁出去，「腦細，踢波呢家嘢度度有得睇，有咩咁特別？」
淫賤黎露出猥瑣笑容，「波就波，我哋叫啲囡囡嚟踢波，體育邊有經濟貢獻？但『睇肉』就唔同喇……」
