政壇：何倍倩營商懂分散投資

佔領行動持續，對多個行業造成嚴重影響，做美容生意嘅恒生新抱何倍倩（Anina）都嘆無奈。因為佢間店舖喺正銅鑼灣示威區，示威初期客人幾近絕迹。經此一役，佢明白到分散投資喺不同市場先至係上策。

何倍倩將生意分散到歐美市場，減低投資風險。（受訪者提供）

Anina話，估唔到佔領拉鋸咁耐，惟有見步行步。幸好現時香港市場只佔佢公司約三成生意額，其餘七成來自歐美國家。

煩完生意，Anina屋企都有唔少麻煩事。除咗囡囡跌倒撞到頭之外，佢媽媽亦受骨質疏鬆症困擾，經常腰痠背痛。Anina話，聽朋友講生完第二胎後，就算人生仲未步入更年期，鈣質已經會極速流失，所以已經有兩名子女的佢，近日開始食鈣片補身，防患於未然。