政壇：黃傑龍潮爆分享無價可樂

【互聯網】早前有汽水公司推出宣傳活動，將一啲常見嘅英文名、潮語印喺罐上，令香港掀起一陣熱潮，唔少人仲會自拍放上網，同朋友分享尋寶嘅喜悅。不過，有關公司原來仲會為名人度身訂造專屬嘅產品，稻苗學會主席、叙福樓集團執董黃傑龍（Simon）日前就收到印有佢個中文名嘅罐裝可樂，呢個獨一無二嘅驚喜，佢當然好開心，仲即刻同朋友分享添。