政壇：菁英會論壇避風頭延期？

持續一個多月的佔領行動令多項大型活動延期或取消，我哋收到風，連續第七年舉辦的「博鰲青年論壇」原定在本月十七日舉行，主辦機構香港菁英會經過謹慎評估之後，決定將論壇延至明年五月十六日。唔知佢哋係想暫時避吓風頭，定係有咩新打算呢？

雖然佔領行動影響民生犯眾怒，但事件亦彰顯青年政策有偏失，過去一直忽略年輕人有討論政治的熱誠。早前政改三人組親自上陣與學聯代表舉行首輪對話時，提出考慮設立多方平台，畀社會各界如學生和年輕人參與討論二○一七年後香港政制的長遠發展。

菁英會一向打着凝聚香港青年、為政府施政獻策旗幟，唔知佢哋會唔會考慮設立一個平台，請支持與反對佔中的各路英雄前來「論劍」，讓關心香港前途的人坐低對話，唔好再隔空嘈交呢？如果菁英會一眾領導層有咁嘅膽量，相信能為會務發展跨進一大步。