中環：城巴熱線指示玩殘乘客
「打電話去問，撳完一輪數字揀路線，原來都仲係駁去錄音，但又淨係講行車需時同車費，完全冇話條線冇咗！」居於元朗的李先生早前擬於中環轉乘6號線前往赤柱，抵達後方知道服務因佔中而取消，「熱線等咗好耐都冇真人聽，惟有出去試一試，最後就白行一趟。」
近日大量巴士路線因事故改道，有市民建議巴士公司在語音系統公布相關消息。
城巴發言人表示，一直與運輸署保持聯繫，以因應道路封閉而實施暫停路線、改道及加強部分路線服務等臨時措施，並盡快知會傳媒、將相關資料上載至網頁及手機應用程式，亦會經顧客服務專線以使公眾知悉最新安排。
「好多老人家都唔識上網同用智能手機，真人接聽電話對顧客嚟講係最方便，既然要錄音，點解唔順便公布埋改道同停止服務消息？」李先生要求城巴改善公布消息手法，避免乘客再因此而備受影響。
