一向醉心推廣中國文化嘅香港青年聯會副主席Monin黃夢瑩,最近又有新點子,創立社企「亞太家族企業俱樂部」,希望廣傳老牌家族企業賴以承傳的文化精神。Monin話明年四月將在香港舉行家族企業論壇,到時有好多包括來自南洋的老牌家族後人來港分享刻苦耐勞的精神,而孫中山家族第四代後人Alexandra孫雅麗亦係嘉賓之一,齊為社會灌輸正能量。

黃夢瑩(右)同孫雅麗(左)一見如故,齊齊拍住上推廣中國文化。

早前Monin同Alexandra相約茶敍,講起現今中國文化被漠視同感可惜,尤其係時下年輕人缺乏人生方向,所以要引導佢哋將精力放在有意義的事。從事電影文化工作嘅Alexandra係孫中山嘅曾姪孫,自細喺香港長大,佢透露正積極籌備成立孫中山文化基金會。佢話現今中國文化同道德價值面臨好多問題,希望將孫中山作為凝聚兩岸三地的一個旗幟或品牌,為下一代盡一分力。

第一手消息請下載on.cc東網iPhone/iPad/Android/Windows Phone Apps