SUN搞作：SUN官場現形記：搵邊個先啱？
市民就非法堆填向多個部門投訴，點知情況依舊，於是就約環保署署長儀儀、地政總署署長豪豪同規劃署署長勤勸出嚟，三口六面講清楚。
市 民︰非法堆填嘅噪音擾民，仲壓毀植物！
勤 勸︰同植物有關，咁就要搵環保署。
儀 儀︰照我睇法，既然喺土地上面發生，應該就要搵地政總署。
豪 豪︰咁講就有啲偏頗，土地已經規劃咗做農地，同規劃有關，仲唔係搵規劃署？
市 民︰……計我話都唔關你哋事。
儀 儀︰唔關我哋事，咁關邊個事？
市 民︰你哋都唔理，仲唔係關你叉事咩？
豪 豪︰@##$$$%%
