新一批居屋單位喺十二月正式接受申請，唔少年輕人爭住上車。因應樓價高企同通脹嘅影響，呢批單位申請人嘅家庭入息限額增至五萬元，單位折扣率更可能加至五成，確保申請人有能力負擔樓價。房委會資助房屋小組主席黃遠輝更話今次料會首次撥一成名額畀單身人士，滿足佢哋嘅置業需求。不過，呢一成名額相比起依家等緊上車嘅市民數目嚟講，簡直係杯水車薪，長遠都係要增加房屋供應先搞得掂。
黃遠輝
