過往有多個團體要求教育局公開教師註冊名單，了解個別教師有冇刑事紀錄，但教育局一直堅拒透露，不單止被批評做事官僚，更加係剝削家長嘅知情權。當局以為冚實份名單就過到骨，點知有家長團體睇唔過眼，直接向申訴專員公署投訴教育局涉嫌行政失當，而公署日前亦宣布會主動介入，調查係咪需要教局改善現有嘅做法，仲邀請公眾提交意見添，睇怕今次局長吳克儉點冚都冚唔到喇啩！
吳克儉
