政壇：Rovio擺脫動盪憤怒鳥樂園馬國開張

東南亞首個憤怒鳥室內主題樂園，馬來西亞柔佛州憤怒鳥主題公園將喺今日正式開幕，係憤怒鳥遊戲開發商、芬蘭Rovio公司喺本土以外、全球第三個國家開設嘅主題公園，另外兩個分別喺中國和英國。呢個佔地26,000平方呎嘅新主題公園，預料首年可吸引到10至20萬名遊客去玩。

Rovio公司市務總監魏皮特話，大馬主題公園內嘅主要遊戲都係從芬蘭直接進口，確保玩具同設備都符合標準。主題公園收費分別係大馬公民門票60令吉（約142港元），遊客門票則為75令吉（約176港元），開放時間為朝十晚十。

近排Rovio公司發生咗好多事，好似八月行政總裁赫德宣布明年一月離職，公司月頭又話要裁130人。不過，有「神鷹先生」稱號嘅魏皮特就對公司前景信心十足，好似憤怒鳥近日就有新主角雌性小鳥Stella上場，而同電影「變型金剛」合作推出嘅新遊戲亦啱啱上市。