佔領行動持續超過一個月,「民主阿婆」前政務司司長陳方安生鮮有公開現身佔領區,即使有現身都係「快閃」離場,相反佢更熱衷於「抽水」,一有機會就發表新聞稿說三道四。不過,估唔到佢連原自由黨黨魁田北俊(田少)被褫奪全國政協委員資格都要抽一抽水,尋日特登發新聞稿鼓勵田少拿出勇氣繼續為港人發聲喎,莫非佢真係不甘寂寞到咁嘅程度?

被人吹噓為「香港良心」嘅民主阿婆,於新聞稿中大言不慚地談到「良心」,聲言田少言論係基於香港實際處境,「憑良心說出大多數香港人心中說話」,盡身為政協同議員言責,重申言論自由不應受威脅,鼓勵田少繼續為港人發聲。其實民主阿婆撫心自問,佢以前做港府高官時有冇憑良心說出大多數香港人心中說話呢?又有冇為港人爭取民主發聲呢?如果有就唔使被批評「忽然民主」啦!

第一手消息請下載on.cc東網iPhone/iPad/Android/Windows Phone Apps