城中鏡：曾咏拍短片 實驗室教美容
擁有港大微生物系碩士嘅模特兒Winnie曾咏，曾出書教人講營養，又到大學教皮膚衰老基因，教書教到上癮嘅佢，最近仲自拍短片上YouTube，以實驗室方法測試化妝品同護膚品，恍如女版嘅曾近榮。
教書教上癮嘅曾咏自拍短片上YouTube，以實驗室方法測試化妝品、護膚品。
曾咏笑說：「好多朋友當咗我係佢哋嘅營養師，叫我做Dr. Winnie，最近就有個模特兒要去紐約發展，本身佢都好瘦，但紐約要瘦啲，佢搵我幫佢減磅，最後一個星期就減咗六磅，以前有啲女仔亂咁減，減到月經停埋健康好差就唔好。」
佢又話喺短片中做咗好多實驗，例如測試眼線防水防油，同埋着黑白衣嘅防曬效果，主題都係由佢設計嘅，感覺特別好玩。
