各位，知唔知點先可以令自己聰明啲？唉，不過問嚟都無謂，如果你哋知，就唔會買《爛果》啦！好，本虫今日就益街坊，指導吓你班凡人啦！

大家有冇聽過「反手刷牙法」？即係用開右手刷牙，就改用左手咁囉，本來係一種提升創意嘅理論，之不過本虫摻入咗豐富人生歷練優化，已經成為看破世情嘅超級武器！舉個例，當你見到有個下屬日日好似好勤力做嘢，咁就應該即時炒咗佢。你哋以常人嘅方式思考，梗係會話「咁勤力，點解炒？」但係喺我眼中，勤力嘅人只係為咗將勤補拙，試問我哋點可以養埋啲拙吓拙吓嘅人？

我再舉個例子，好似淫賤黎咁，畀人爆出捐乜捐物，唔睇真啲，你仲以為佢係慈善家啦，但係喺我眼中，嗰啲收收埋埋唔見得光嘅錢銀關係，邊會有好嘢吖！如果唔係出緊佢糧，我都即刻叫老廉做嘢呀！

第一手消息請下載on.cc東網iPhone/iPad/Android/Windows Phone Apps