SUN搞作：打橫嚟講：做醫生大官的邏輯
「路遙知馬力，日久見人心」。中國至理名言，喺最黑暗的時刻，就像一顆燭光，昏黃微細，但可照亮整個黑洞，讓人看清楚一沙一石，身旁的是人是鬼！
那個永遠帶頭撲出來簽名支持白頭薑蓉，而被稱許名望高企的高醫生局長，喺三日前一個原本講述大陸廣東毒蚊會將登革熱疫情傳來香港的記者招待會上，突然標童上身，發爛渣痛罵被暴徒襲擊的「佔中」及「反佔中」人士，高醫生局長話：「（佢哋）唔應該採取雙重標準，見一方面犯法就要求警察嚴厲執法，但當自己犯咗法，卻又要求警察嚴厲執法保護自己，（佢哋）自己亦應該反省吓啦！」
吓！呢啲係乜嘢醫生邏輯？
低質電視劇集都睇得多啦！當警歹槍戰，即使歹徒係犯法在先，但中槍被擒，眾醫生一樣要去搶救佢，這關乎專業職責外，也是每個人尊重生命的本性，和一個有良知的醫生之醫德。
中國武學格言：「學仁學義學功夫」，即係話「做人做事，要有仁有義；為人設想行先，重友情、講信用更不可缺，齊備仁義精神，先有資格學功夫」也！
武夫打拳都重品格、講德行，作為行醫救命的大夫，竟連一丁兒醫德邏輯也沒有，是否應好好反省吓呢？
若畀佢再宣揚那套違反法治精神的歪理出去，真不知再禍港多深！例如，所有坐監的囚友因犯過法，就不准要求以法例嚴厲保護自己嗎？
高醫生局長的歪論噏了三天，但仍未見佢出來反省道歉，是否可以成為理所當然的正理？按香港廢柴政府紮職倫理：愈賤愈上位呢？
等緊佢回應囉！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
