SUN搞作：網絡小說：謠言創商機
全球伊波拉恐慌（你鍾意埃博拉就埃博拉啦），連醫學科技最昌明嘅花旗國都手騰腳震，黑人總統都要出嚟「愛的抱抱」做騷，你就知情況幾嚴峻。不過危機危機，有危就有機，最識得渾水摸魚嘅強國黑心奸商，又點會放過伊波拉商機吖……
「老王，上次輻射恐慌就散播謠言盲搶鹽，今次伊波拉又有乜好計？」老王思索良久，回答小李道：「謠言嘛，一定要細心設計，真真假假一頭煙，咁先可以大成功！」兩人率先商量到一頭煙，終於畀老王度到一條絕橋：「坑渠油抗伊波拉，以毒攻毒，勁呀！」小李聞言亦大表支持：「強國坑渠油成日畀人話無良，今次我哋老吹坑渠油抗伊波拉，唔單止無本生利脹荷包，又可以為國家爭面子，遲啲攞埋諾貝爾醫學獎都有機！哈哈哈！坑渠油坑渠油，你今日飲咗未？我哋快啲掃貨囤積居奇，賺伊波拉第一桶金啦！」
