SUN搞作：SUN官場現形記：買樓無難度
有調查發現，有唔少申請人以學生身份登記輪候公屋，運房局局長炳炳心生疑惑，呢日就同學生嚟個真情對話。
炳炳︰後生仔大把前途，做咩要同啲長者爭公屋？
學生︰你估我想o架咩？依家樓價咁貴，唔申請都唔得啦……
炳炳︰嗱，做人唔可以諗住一步登天。
學生︰一步登天？我諗我行成億步都唔會買到樓！
炳炳︰有咁難咩？
學生︰咁你話畀我聽應該要點做？
炳炳︰當你二十出身，三十而立，四十而秘撈，五十而儲首期，六十而買樓，七十而勞勞碌碌續供樓。你睇六十歲就買到樓，一啲都唔難。
學生︰@#$$%%^^^
