港鐵停工仍封行人路

居於深水埗南昌邨的陳先生發現，自今年五月起，港鐵南昌站D1出口外一段行人路約有一半面積被圍封。「有塊工程告示寫住話有渠道工程，仲話要做到今年十一月尾，但近排都唔見有人開工，條路又乾乾淨淨，點解仲要封咁耐？」

部分行人路圍封多時，卻未見有工程開展。

路政署發言人指有關工程為港鐵南昌站相關項目。負責南昌站上蓋物業發展項目的工程承辦商則說，今年五月下旬開始在上址展開渠道修復工程，有關工程已獲路政署批出挖掘准許證。由於有關工程正短暫停工，故上述行人路已暫時解封。當工程稍後再次進行時，承辦商將會張貼告示。

「既然暫時唔需要施工，就唔好封住條路，好應該開番畀人行！」陳先生希望有關工程早日竣工，不被延誤，方便市民出入。