政壇：團體改歌反諷佔中陣營
喺幾個月前，有佔中支持者將革命歌曲《Do you hear the people sing？》改編成港版《問誰未發聲》，短短幾日已經瘋傳社運界，仲旋即成為佔中主題曲。近日就有團體「和諧之聲」將首改編歌再改成反佔中歌曲《試問誰還未瞓醒》，諷刺佔領行動衝擊法治，影響社會秩序，又質疑佔領人士憑乜嘢代表全港市民發聲。雖然《試問誰還未瞓醒》成首歌嘅旋律同節奏與《問誰未發聲》好相似，但當中部分歌詞就用到「天真教授同廢青正垃圾」等語句嚟形容佔領行動搞手，莫非佔領行動已經真係到達臨界點？
有團體將首佔中改編歌再改成反佔中歌曲《試問誰還未瞓醒》。（互聯網圖片）
反佔中歌曲諷刺佔領行動衝擊法治，影響社會秩序。（互聯網圖片）
