政壇：胡志偉政治海報涉違規
話時話，佔領行動發展至今已成為泛民主派嘅重要彈藥，有泛民區議員就涉嫌違規喺公共屋邨張貼佔領行動宣傳海報。
胡志偉涉違規，喺屋邨張貼宣傳佔領行動嘅政治海報。（互聯網圖片）
胡志偉
有建制派嘅區議員報料，話身兼黃大仙區議員嘅白鴿黨立法會議員胡志偉近日喺九龍東各屋邨內張貼題為「撐起雨傘」、宣傳佔領行動嘅政治海報，呼籲市民體諒各區佔領人士。據了解，房屋署一向唔容許區議員張貼含有政治成分嘅宣傳海報，但今次竟然「破例」畀胡志偉張貼宣傳佔領行動嘅海報，唔知係房署職員一時睇漏眼吖，定係唔明咩叫做「撐起雨傘」，以為胡志偉只係提醒居民記得落雨擔遮呢？
