開會多過開工的強國，又搞個甚麼乜叉「十八屆四中全會」，叫齊全國各省領導進京做秀。

呢幾日嘅北京，空氣會好咗好多，因大範圍封路畀高官權貴使用（去開會），但因馬路被堵封，的士、公交（巴士）要兜路走，唔知會不會請教香港同行，持banner到現場示威，要求依法開路呢？

今劑四中全會主題係「依法治國」，但全題係「研究全面推進依法治國重大問題」十四字，長夾臭！講「依法治國」，我那個經常出入強國的老友阿黎同我講，全球最厚的Law book，是在強國，其條文仔細程度，連打個「乞嗤」，都有機會係違法的！佢舉咗個例，話「紅燈過馬路」是世界常識的「犯了法」，但原來喺強國「綠燈過馬路」，只要在場的「執法人員」指你犯咗法，你就係犯咗法，冇得唔認，否則，就多罰一條「尋釁滋事」罪！

阿黎常說笑話，我當然不信咁荒謬的事啦！相反，在深圳和廣州卻親眼見過有「電單車」和「腳踏車」（即單車）在馬路當中逆線而行，也無公安城管交警上前緝拿喎！see！強國幾自由吖！

中國人最愛講和諧哲學，深信「水清則無魚」的大道理，對呀！這是強國發達的首要主因呀！「畀面」和「通融」，才是通往富強大國的硬道理呀！

「依法治國」？乜執政咗六十五年的一個地方仲要講呢啲？咁前嗰六十五年的法治係乜？還有呀！依據毛澤東主席那「人民民主專政」的頭嗰三十幾年，搞到世界四分一人口餓到得棚骨，反而，近三十年，全國人民在「逆線行車」，才能在床下底收埋十億八億人民幣呀！依家，又尋舊路玩法治？正如大陸《紅旗文稿》最近說：「用法治來否定、代替人民民主專政，就上了『普世價值』的當了……」

嘿嘿！又「外國勢力」？哈哈！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps