SUN搞作：SUN官場現形記：基層乜都無
有調查指不少公屋租戶認為需調低租金加幅上限，加上「可加可減」機制成日被指「有加無減」，呢日就有租戶去搵運房局局長炳炳傾傾。
租戶︰租金咁貴，生活艱難……
炳炳︰我哋不時免租，都幫到吓手。
租戶︰弊在之後加租呢……
炳炳︰咁我哋有上限o架嘛。
租戶︰百分之十吖，我加人工都無咁多啦，我係基層，唔係有錢人。
炳炳︰就係因為咁，加租可以幫到你。
租戶︰加租可以令我變有錢人？傻的嗎？
炳炳︰加租彰顯你哋收入高咗，唔使畀人標籤做窮人，享受福利咪可以挺起胸膛囉！
