SUN揭秘：內地食蛇需求增扯高來貨價
食蛇文化早在華南地區盛行，本港八九十年代更是盛極一時，蛇宴處處。近年內地人生活水平上升，食蛇需求亦不斷增加，蛇價亦水漲船高，令以往一直主要從內地入口蛇的蛇舖成本大增。「依家內地多咗人食蛇，而且更食得起，賣畀香港嘅蛇愈來愈少。」周嘉玲表示，自己近年轉往東南亞國家，如泰國、印尼、越南等地購入蛇，以節省成本。
雖然成本上升，卻沒有慳料，堅持煮好一碗碗美味足料的靚蛇羮。
港潮興養蛇 須有責任心
新一代食蛇風氣轉淡，卻又興起養蛇熱。「依家好興養毒蛇，仲要養好多條，一定要好小心。」周經常協助警方捉蛇，當中不少更是「離家出走」寵物蛇。她直言，不少養蛇人士選擇「愈毒愈養」，卻未盡好責任，令蛇逃之夭夭。「有個曾經養蛇兼讀生物學嘅大學生，以為自己好了解蛇，有次走咗條毒蛇自己走去捉，結果畀蛇咬到，差啲搞到殘廢，真係唔好試。」她更語重心長地提醒養蛇人士，如有毒蛇逃走，若未有受過專業訓練，切忌親自擔當蛇王，嘗試捉回毒蛇，以免中毒失救，後果嚴重。
