政壇：捐錢畀警察富貴黨突叫停

捐款程序須警察申請批准

其實該黨一講話捐錢畀前線警員，已經有唔少人質疑此舉係咪干犯《防止賄賂條例》。聽聞該黨覺得無所謂，因為之前該黨都捐過唔少錢畀消防、救護人員。不過，尋日突然取消記者會，就令人懷疑該黨係咪覺得唔對路所以縮沙嘞！

田北俊就話當然唔係咁，佢話直至尋日為止，都未聽過警察話唔收佢哋錢，只不過係捐款程序要警察方面申請批准至得，所以先要押後記者會。咁現時筆錢點算好？佢話依家所有捐款已放喺滙豐銀行一個指定戶口，有晒紀錄，當然包括埋佢私人捐嗰三十萬，如果警方認為唔應該接受捐款，佢哋自然會退番錢畀所有善長仁翁。