城中鏡：Jocelyn偕夫星夜露營慶生
點樣過一個既特別又浪漫嘅生日？名模Jocelyn或者畀到新啟示。Jocelyn日前三十一歲生日，佢同老公Anthony齊齊到沙灘露營，過一個浪漫又平淡嘅生日。兩公婆先喺沙灘暢泳，更大做倒立等動作，玩個不亦樂乎。到咗夜晚，佢哋除咗一齊打開帳幕，Anthony仲起咗營火，兩人喺星光下邊喝紅酒邊聊天，非常浪漫。
Jocelyn同Anthony喺沙灘露營，過咗一個浪漫嘅生日。
Jocelyn在沙灘上倒立。
問到Jocelyn嘅生日願望？佢坦言係開開心心、家人身體健康。咁過咗三十歲嘅佢會唔會希望快啲生B？佢話目前以工作為先，又話只要保持健康嘅生活習慣，即使過一、兩年生B亦唔會有問題。問到Anthony有冇送心意禮物時，佢話：「佢靜雞雞帶咗個生日蛋糕畀我，好驚喜！我哋諗住十一月尾去馬爾代夫旅行，當係我嘅生日旅行。」
