最低工資料於明年五月,由三十蚊加到三十二個半。跑輸通脹,工人大感失望,就去搵勞工及福利局局長宗宗訴苦。
工人︰加兩個半,買到啲咩吖?
宗宗︰嘩,唔好睇小呢兩個半,買到嘅嘢就多喇!
工人︰多?你講嚟聽吓。
宗宗︰你食飯嗰陣,可以用兩個半買多條香腸送飯。
工人︰弊就弊在,做成粒鐘都食唔起一碟飯。
宗宗︰哦,咁好小事啫。
工人︰吓?無飯食仲話好小事,你試吓吖!
宗宗︰當然無問題啦,唔食飯咪食麵囉!
工人︰#$%^&**!@#@$$