新界鄉紳向來「與世無爭」,但無綫電視上月播放嘅某電視劇竟然辣慶新界人,激到十八鄉鄉事委員會主席梁福元紮紮跳,月初更以新界傳統權益委員會主任委員身份,去信通訊事務管理局投訴無綫。原來劇集牽涉「丁權」呢個敏感字眼。

梁福元月初去信通訊局,投訴無綫劇集扭曲丁權。

劇集內容提到一宗爭奪撫養權官司,律師指一名原居民父親,爭取個仔撫養權係為咗他日可以出售個仔嘅丁權圖利。梁福元指出,丁權係男丁成年之後、有地建屋先叫做正式享有丁權,任何人、即使係父親都冇權代為出售圖利,佢批評劇集扭曲原居民家庭親情倫理同埋社會價值觀,以及涉嫌醜化原居民喎。

第一手消息請下載on.cc東網iPhone/iPad/Android/Windows Phone Apps