佔領者點睇
劉先生：「唔會離開金鐘佔領區，因為政府都係重複之前嘅嘢，袁國強用最低工資做比喻好錯，最低工資起碼有進步，政改方案係退步。」
金鐘
劉先生
黃小姐
銅鑼灣
黎先生
林小姐
徐小姐
麥小姐
旺角
毛同學
江同學
黃小姐：「睇唔到政府有釋出誠意，咁就畀咗理據我繼續留守，希望如果仲有對話，政府下次會有進取啲嘅表現。」
黎先生：「政府講話內容毫無誠意，唔會因為政府強硬態度而放棄支持。」
林小姐：「政府官員喺對話期間一直『遊花園』，對對話成果無太大期望，總之唔會撤走。」
徐小姐：「學生代表陳述咗市民對普選訴求，但官員就未有顯示應有氣魄，無直接回應問題。」
麥小姐：「政府官員表現令人失望，對話內容空泛，未有就市民訴求及當前政治問題提出解決方案。」
毛同學：「政務司司長林鄭月娥提出的政改諮詢報告可釋除學聯的疑慮；學聯在會面中『都作出咗啲合理的讓步』，故對其表現感滿意。」
江同學（看直播時落淚）：「我哋點解堅持？因為做緊嘅係啱嘅嘢，我哋爭取有真普選，民主和自由，呢啲係每個人應有權利，所以我覺得好感動。」
