政壇：八達通CEO忽然劈炮
八達通CEO高敏德（Kevin）上任唔夠七個月，尋日忽然話唔撈喇，理由係事業上有新發展，佢已向公司董事局請辭，十二月一日正式離任。八達通喺兩個月前，先高調介紹Kevin畀大家認識，以為佢會大展拳腳，估唔到咁快就走。佢嘅前任係銀行家張耀堂，仲記得八達通因為一直搵唔到人，張耀堂都延長咗佢嘅last day。
高敏德（Kevin）
八達通嗰邊冇公布有乜嘢打算，只係「感到惋惜」，話已展開新行政總裁嘅甄選工作，香港支付行業資深人士唔多，要喺外部請人都唔易，八達通內部唔知會唔會有人因此升職呢？Kevin離任嘅事，八達通已同金管局、公司董事局、管理層同員工溝通好，確保公司業務運作順利。
