城中鏡：超模Coco Rocha產後做全職媽媽
國際超模Coco Rocha同老公訪港四日，佢尋日為 Mary Kay（玫琳凱）「Dream Beautiful」美妝大賽決賽周擔任星級評判，並會頒發獎項畀勝出者。今次比賽共有超過二十九萬名來自亞太九個地區嘅女性參加，呢班有志成為模特兒嘅參賽者同Mary Kay嘅獨立美容顧問以二人一組嘅形式一同參賽。
Coco Rocha話BB出世後，佢會先做全職媽媽，之後繼續做兼職模特兒。
二十六歲嘅Coco擔任模特兒十年多，當然有好多行內嘅經歷，佢日前亦過咗幾招畀新人，自言初出茅廬嘅佢曾缺乏信心，所以佢寄語新一輩嘅模特兒要有自信，覺得唔舒服就要講出嚟，且要尊重別人，而佢自己唔會拍香煙、色情等相片。
其實，佢喺月初宣布懷孕，日前更直言未知BB性別，又話：「仔女都冇所謂，最重要係BB健康，產後會先做全職媽媽，之後會繼續做兼職模特兒。」
