SUN搞作：SUN官場現形記：等閒雜物
沙田屋邨走火通道遭雜物阻塞，影響消防喉轆運作，但房屋署以該邨列入租置屋為由，將問題交管理公司跟進，懶理安全問題，市民就嬲爆爆搵房屋署署長康康投訴。
市民：啲人成日擺雜物喺走火通道，你哋又唔理！
康康：呢度係租置屋，雜物阻走火通道我幫唔到手喎。
市民：咁點算呀？搵咩人幫手？
康康：咪轉介咗畀管理公司做嘢囉！
市民：唓，貼吓通告都阻嚇唔到人啦！
康康：冇辦法o架，啲雜物咁多係好難去清理o架！
市民：……你又啱喎，成舊「雜物」企咗喺度，係難清理嘅……
康康：%^*#&%&!@@!!!
