政壇：每周之星：兜巴星：焗市民飲貴水林天星塞責

政府早前公布初步完成同內地商討買東江水嘅協議，話因內地通脹水平高企，東江水成本上升，令購水價提高百分之六至七，三年累計政府至少要畀多十四億元，水務署為收回成本，居然將協議不力嘅結果，轉嫁畀市民，研究調高未來水費，全港逾七百萬市民焗住「硬飲」貴價東江水，但署方仲死撑話加價合理；有人建議東江水輸入不如採按量收費，以減輕負擔，但水務署又怕人哋唔賣水，水務署署長林天星又驚青，又冇承擔，淨係硬挖市民荷包填氹，認真抵打。