政壇：「邱副」搭港鐵避封路

由於佔領行動蔓延到多個區域，港九多條主要幹道都受到影響，部分更一度封閉近兩個星期，唔少市民都要改搭港鐵返工返學。運輸及房屋局副局長「邱副」邱誠武前晚七點幾鐘亦喺灣仔站往柴灣方向月台出現，見佢一支箭咁飆去車尾上車，唔知咁急去邊呢？邱副話早前政府總部西翼因為佔領行動封路，車輛無法駛入，所以都會改搭公共交通工具，今次搭港鐵就純粹因為目的地近港鐵站啫！不過，邱副表示，亦曾試過專登搭港鐵，巡視吓兩分鐘一班車會唔會超出訊號極限喎。