螞蟻金服名字寓意係，既服務廣大「草根」消費者同小微企業，亦會以開放心態服務於金融機構。
喺尋日嘅「小微分享日」，傳咗好耐嘅阿里金融終於正式落地啦。小微金融服務集團正式更名為螞蟻金融服務集團（螞蟻金服）。
望完個名之後覺得好特別，同阿里之前嘅產品好有霸氣嘅作風完全不同，據螞蟻金服嘅管理層解釋，因為公司從小微做起，就像螞蟻一樣，雖然渺小，但佢哋齊心協力，煥發出驚人力量，螞蟻金服取其寓意係，既服務廣大「草根」消費者同小微企業，亦會以開放心態服務於金融機構。
阿里以螞蟻命名旗下嘅重點企業，其實早有玄機，多年以前阿里出版一本《馬雲內部講話》中，馬雲便曾經講過以下說話：「非洲沙漠同草原上只有餓死的大象，只有餓死的獅子，沒有餓死的螞蟻，螞蟻總能找到吃的。」原來佢用咗螞蟻嚟做比喻，寄語集團要服務低成本低投入嘅中小企，這些中小企就像螞蟻一樣，「總能找到吃的」，即使危機來到，仍然長做長有點都唔會死。單單螞蟻都有咁深層次嘅解釋，問你服未?
第一手消息請下載on.cc東網
