眾所周知，有班香港特區差人抬咗一個香港市民「拳打腳踢」，被電視台拍攝到播出街，不單止全港有血性的正常人嘩然，連外國傳媒亦引述廣泛報道；家陣，香港「黑警」之名又一次揚威國際，叫香港再次蒙羞（因香港警隊出醜，不止一次矣！）。

但係，作為本地港人，又一次心痛不已！百多年來，香港皇家警察曾是全港人驕傲的紀律部隊，只是九七後，自掃把頭領導起，就一直衰到依家，部分差人不特止沒有做好呢份工，還叫人氣憤！

從新聞片段，清楚看到那班人的差劣，首先，眾人抬「受害者」到一暗角「擲下」，繼而輪流腳踢狂踩；最無恥的，仲係輪流「睇水」，打完抖一陣，再「覆啅」回去狂踩幾腳。喂！那人犯了甚麼法先？點解未審先落刑？仲有王法嘅？你班差人係「執法者」，點解咁做？

講到卑劣，還不及掃把頭，佢話件事未徹查清楚之前，不妄下結論喎！喂！記者問用私刑啱唔啱呀？仲話啲差佬受好大壓力，好辛苦喎！

喂！有壓力好辛苦就「結黨打人」？另一個功能組別議員話畫面太黑，看不清楚喎！有眼疾就去醫啦！做盲蟲護短，不理法治精神！真谷氣！

呢兩星期，全港市民親身（或在網上）看到差人點維護打人的藍絲帶黑幫、點樣粗暴對待手無寸鐵的年輕人，向佢哋射胡椒噴劑，但黑人物手持利刀卻不以胡椒噴劑對付！

保安局長話已調走那班友「離開崗位」，喂！升職都係調離崗位o架啦！你應「拘捕」佢哋呀！

嚴重譴責都無用。本欄在此要求當局公開徹查真相！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps