城中鏡：恒地林高演率領高層赴歐滑雪

秋意漸深，冬天嘅腳步都不遠嘞，城中一啲鍾意滑雪嘅人士又開始心思思，當中可能包括恒地副主席林高演，佢係滑雪高手，每年冬天，仲會好熱心咁帶埋同事到海外滑雪，估佢唔到。

林高演係滑雪高手，今冬可能帶隊遠征歐洲一個山區。（資料圖片）

唔驚出現「空巢期」

據講，呢個滑雪小組係由集團不同部門嘅高層組成，開頭係去吓亞洲區嘅滑雪場，後來就開始遠征喇，今年嘅目的地應該去歐洲某個山區。滑雪小組之中，林高演被推崇為滑得最叻嗰一個，仲會好照顧同事，兼教埋同事點樣改善滑雪技術添。

嘩，咁多高層一齊請假去玩，恒地會唔會出現「空巢期」？答案係唔會，因為佢哋通常都係揀啲係人都放假嘅日子先出動，而且只係去幾日鬆一鬆，所以滑雪、工作兩不誤。