城中鏡：機管局林天福踏輪體驗人力發電

環保唔係講吓就得，機管局日前啟動有關節能嘅互動展覽，仲有靠運動產生能源嘅設施，譬如「踏輪發電機」，只需試用者踏三十秒，產生嘅電力已經足夠一般智能電話通話一小時。

Fred率先體驗人力發電設施。

邀市民點亮能源樹

新任機場管理局行政總裁林天福（Fred）都試行一下，實行將汗水化為電力，一舉兩得。

香港赤鱲角機場興建第三條跑道，唔少反對聲音都來自環保團體，機管局呢個節能互動展覽，主題就係環保，佢哋喺機場接機大堂放置一棵高逾兩米、以回收玻璃樽裝飾組成嘅「綠色能源樹」，又邀請市民即場做運動，藉運動嘅電能嚟點亮能源樹。

呢個活動既可以畀去機場嘅市民認識環保，又可以順便運動吓，真係一舉兩得。