互聯網已經成為人類生活中重要嘅一環，內地互聯網巨企阿里巴巴一向好有前瞻性，旗下嘅支付寶已經開拓緊未來嘅生活服務，好似未來醫院、未來出行等，聽落都好得意。

尋日有個「小微分享日2014」嘅活動，介紹咗支付寶嘅一啲服務，依家大家去睇醫生，基本上都要真人到，望、聞、問、切唔少得，但網上睇醫生，又係點樣一回事呢？原來支付寶錢包同某些醫院合作，將掛號、候診、支付、拎報告等服務以手機完成，咁求診者就可以慳番唔少排隊時間！

至於租車，由於要畀按金，仲要特登去指定地點拎車匙，依家用支付寶錢包掃一掃QR Code登記，拎住部電話，就可開關車門。服務已喺十月開始咗，覆蓋北京、杭州，之後仲會拓展至其他城市，出門旅遊真係方便晒！

第一手消息請下載on.cc東網iPhone/iPad/Android/Windows Phone Apps