周日喺元朗發生一宗塌樹事件，一棵細葉榕攔腰折斷，釀成七名過馬路嘅市民受傷。近年本港塌樹悲劇不絕，市民已質疑發展局轄下嘅樹木辦監察不力，就連申訴專員公署日前亦公布，主動調查樹木辦同相關部門嘅協作問題，顯示政府喺樹木管理方面出現咗混亂，造成呢個亂局，局長陳茂波責無旁貸，冇得拋波亦唔可以再扮盲，係時候要撥亂反正。
