澳門孝思墓園後人兼模特兒Candy徐綺雯喺兩年前下嫁澳門百億製衣太子爺後，變身幸福少奶奶，喺月初生日嘅佢，獲老公安排一連三日嘅難忘慶祝活動。

徐綺雯同老公重回五年前嘅定情餐廳慶祝生日。

首晚兩口子重回五年前嘅定情餐廳，回味甜蜜片段，Candy甜絲絲話：「五年前，我哋喺餐廳中碰到梁朝偉，五年後，我哋碰上林憶蓮，好開心。翌日我哋同朋友去食火鍋，之後嗰晚就喺中山別墅BBQ，玩咗三日，依家好累！」問到老公送咗乜嘢生日禮物？Candy話：「老公閒時都送禮物給我，有心就得，所以冇特別送嘞。」不過，佢就獲好友送贈限量版名錶，令佢喜出望外。

第一手消息請下載on.cc東網iPhone/iPad/Android/Windows Phone Apps