何謂「理屈詞窮」呢？

記得小學二年班時，老師的解釋是當一個人之道理站不住腳，就會廢話連篇，話無可說也！

新一年度的立法會大會暫緩展開，理由係因怕「佔領行動」帶來正反雙方再起衝突；而建制派四十一名議員聯名要求取消大會，其實係想迴避大會討論的議題，那是香港特區政府為何要以強力胡椒噴霧對付民眾，和八十七發催淚彈炮轟落人群的問題。

左派陣營的李慧琼議員話取消開大會，主要係車輛無法直接駛入立法會大樓內，係怕有「安全風險」喎！而佢哋建制派團夥班人希望尋求有「合適環境」才去傾咁話！喂！使唔使要求埋有解放軍保護呢？

你四十一件身嬌肉貴啲呀？人家其餘的議員咪一樣「唔方便」，要棄用私家車，照舊列席會議呀！只要為民生的會議，便須出席o架啦！

其次，你哋今日龜縮唔討論香港廢柴政府暴力對付市民的議案，下次咪一樣要傾，會走得甩的嗎？最好笑的，還是掃把頭話依家唔應該談「富爭議性」的議題，吓！立法會唔傾「爭議性」話題！唔通返去打麻雀呀？嗱！中共人大會議就無爭議性的議題嘞！

仲有呀！你班建制派嘅保皇黨怕返去立法會大樓，途中「有安全風險」，咁即係話警方無料到啦！喂！即係差人真係流流地，但也不要預先抹黑在立法會門外的群眾好喎！人家一定會打鑊你哋o架咩？你哋無做過衰嘢，又做乜心有鬼啫！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps