SUN搞作：少膽虫手記：畀人圍冇有怕

「淫賤黎咪再搞亂香港！」「不得好死淫賤黎！」正義嘅叫喊聲此起彼落，一班睇唔順淫賤黎搞風搞雨嘅市民，圍堵壹全霉示威吶喊，我有名畀你叫少膽虫，梗係即刻縮埋一邊啦，唔通行出去找死咩。不過畀人圍咁大件事，點都要通知淫賤黎，睇佢有乜解決辦法。

「腦細，壹全霉畀人圍，點算好？你快啲救吓我哋啦！」本虫打畀淫賤黎時，刻意扮到好緊張好徬徨咁，一方面顯得我關心公司，一方面又好似要淫賤黎主持大局先掂咁，將九千歲嘅功能發揮得淋漓盡致。

「阿虫，有人圍壹全霉咁好？你有冇出去挑釁佢哋？你引多啲示威者嚟，我哋影吓相改吓圖再作吓新聞，聽日大大隻字喺《爛果》寫萬人支持壹全霉，你話幾盞？」本虫不負所託，派咗膠蘇出大門口耍詠春挑釁正義之士，希望佢有命仔返嚟同我報告啦。