政壇：周永新呻全民退保無人理

周永新話可能因為撞正全國人大常委會公布政改決定，跟住學聯又搞罷課，結果搞到冇人吼份全民退保報告。周永新又話，雖然推行全民退保一定會增加政府開支，但係有時唔係只睇數字，所有政策都係政治決定。政府依家研究退保都係政治考慮，呢個課題喺社會已經討論咗好耐，政府如果唔理老人問題，可能佢都會去佔中喎。

出席同一個座談會嘅仲有工業總會主席劉展灝同行政會議前成員林奮強，劉展灝批評香港有乜嘢福利政策矛頭都指向商界，遲早搞到企業撤離香港，而林奮強就講講吓退保又扯到去話要建醫院，結果被台下參加者批評佢哋靠嚇同講廢話，認真尷尬。