政商界人士呢排都緊貼佔領行動嘅最新情況,理應相當忙碌,但立法會議員Ann蔣麗芸尋日就喺社交網站上載咗兩張同家人輕鬆歡聚晚餐嘅相片,仲話無論幾忙,家人親情都不能忘。相片入面阿Ann同爸爸蔣震、妹妹等成班屋企人一齊食飯,枱面上有個大蛋糕,原來係幫爸爸慶祝生日。

蔣麗芸(前左二)與妹妹及家人為爸爸蔣震(前左三)慶祝生日。(互聯網圖片)

大蛋糕除咗有蔣震嘅立體公仔外,仲有其公司震雄集團旗下Jetmaster機器做背景。(互聯網圖片)

阿Ann姊妹精心設計

蔣震係著名工業家,所以阿Ann就同妹妹精心設計咗一個特別造型嘅翻糖蛋糕(Fondant Cakes),上面除咗有黑色西裝造型嘅蔣震立體公仔外,仲有其爸爸公司震雄集團旗下Jetmaster機器做背景。話說當年蔣震由山東來港,打過多份工之後,正正就係靠二百元資金同朋友創立機器廠起家,所以呢個蛋糕對蔣震來講別具意義,難怪阿Ann話爸爸見到之後非常高興又滿足,一家人相當溫馨。

第一手消息請下載on.cc東網iPhone/iPad/Android/Windows Phone Apps