許倡新地一拆三炳江：知啱但做唔到

【本報訊】郭炳江一年要支付一千五百萬元顧問費給許仕仁，他亦十分看重許所給予的建議，但就未必能全盤接納。郭炳江透露，除公司業務外，許亦就郭的家事給予意見，包括建議他改組郭氏家族信託基金，甚至將公司一拆三，惟郭炳江當時未有照做，他說：「我知（意見）係啱，但我做唔到呀！」

郭炳江說，二○○三年發生大遊行、多名高官落台加上沙士夾擊，令人心惶惶，他自此明白到政治經濟、甚至中美關係對地產影響甚大：「如果入巿錯咗就好難救。」例如當年美國攻打伊拉克，沒時間介入亞洲事務，中國經濟就乘時增長，許就能在這些方面給予意見。

他說通常隔天便致電許仕仁傾談：「佢好高傲，佢從來都唔打嚟畀我。」當年紅灣半島事件亦是許力主不拆卸重建：「佢話要顧住新鴻基個品牌，就唔可以拆」，郭炳江聽後亦相信這會讓外界相信新地是有責任的公司，遂決定「蝕底少少無問題，長遠嘅得益會大過短期嘅痛苦」，並由他出面游說新地中人及項目拍檔新世界發展。