西貢：九巴早開 乘客苦等句鐘
九巴99R來往西貢市中心及港鐵大學站，只於假日行走，而且每小時只開出一班，倘不幸「走車」便要呆等一小時才可乘搭。黎先生早前於假日黃昏六時十五分到達西貢巴士總站等候99R，惟至六時三十分仍未有巴士抵達。黎向站長了解後，才得知巴士早於六時十分已開出，「原本等十五分鐘就有車，依家就變成七十五分鐘，我打電話去投訴仲要覆我係跟足時間表開出，有冇搞錯！」
99R每小時只開出一班，如乘客錯失班次即要再等候一小時。
九巴發言人解釋，當日由於車務調動關係，巴士要疏導乘客，因此班次需略作調整，又指會繼續留意該路線的服務情況，有需要時會靈活調配班次，配合乘客需要。惟發言人未有就車輛開出時間與事實不符一事作解釋。
「如果有車務調動好應該主動同等緊車嘅乘客講，而唔係由得成班乘客喺度呆等！」黎先生指以提早開出原有班次方式作車務調動，同時會引起嚴重脫班問題，得不償失，要求九巴檢討。
