陳祉妤遊東京經常搭地鐵，話方便兼可了解當地文化喎！
名模Balia陳祉妤日前同朋友去日本東京旅行，全程以吃喝玩樂為主，佢話：「我去咗當地嘅新景點晴空塔，喺高空望落東京巿，覺得好壯觀、好靚。」咦！日圓跌咗好多喎，有冇掃貨先？佢話，雖然日圓近期跌價，但佢冇瘋狂購物入貨，坦言：「所有嘢都可以喺香港買到，而且我喺模界咁多年，好多品牌都有貴賓折扣，我比較鍾意買啲年輕設計師嘅嘢，當支持吓佢哋。」
Balia喺此行品嘗咗唔少美食，佢為試當地一間人氣壽司店，特別喺朝早十時到店門外排定隊。此外，佢話今次經常以地鐵代步，覺得既方便又可以了解當地文化。
第一手消息請下載on.cc東網
