政壇：林貝聿嘉現身禮賓府惹疑竇
由於佔中示威者堵塞特首辦嘅通道，特首CY梁振英居住嘅禮賓府近日變成「臨時指揮基地」。官員、來賓、智囊想見佢，一律要改去禮賓府。
林貝聿嘉驅車直進禮賓府，逗留兩個多小時才離開。
前日香港各界婦女聯合協進會（婦協）主席林貝聿嘉亦驅車嚟到，仲逗留兩個幾小時先走。所謂無事不登三寶殿，莫非CY想搵林太救亡，組織「婦女撐警團」，或者為反佔中部署獻計？
只見梁太非會CY
林太笑稱只係一場誤會，佢呢一次淨係去見梁太，無見過CY。原來婦協嚟緊準備搞新春聯歡晚宴，梁太身為婦協名譽贊助人，當然要搵佢商量。兩人全程只傾女人嘢，無提過佔中喎！咁有無安慰梁太兩句呢？林太就話大家係好友，見面當然慰問吓喇！
