受到佔中行動嘅影響，立法會都未知係咪可以如期喺聽日開波，召開新一個立法年度嘅首次會議，但原來立法會已經被佔領嘞！唔使咁緊張，唔係示威者佔領咗立法會大樓，而係馬桶啫！

佔領中環行動已經持續咗好多日，大量示威民眾連日來喺金鐘、銅鑼灣同旺角等多個示威區通宵席地而睡。

日前我哋報道過有部分議員以「接見訪客」為由，長期借用立法會大樓嘅會議室，畀部分示威者入去沖涼、休息或瞓覺，搞到好似開房咁，一班建制派議員就投訴冇會議室用。

不過，原來除咗立法會七樓同十樓嘅會議室被佔據外，連九樓嘅男廁都被攻陷。尋日有人影到喺該樓層嘅廁格內，連廁所板都貼咗印有「抗爭」字眼嘅黑黃色貼紙，唔通連去廁所都咁熱血？

第一手消息請下載on.cc東網iPhone/iPad/Android/Windows Phone Apps