各區佔領行動除咗影響市民日常生活外,仲掀起一場「顏色」爭議。傑出青年協會主席Poman羅寶文,尋日就以一身迷人「pink lady」造型盛裝出席今屆十大傑青選舉記招,內穿優雅連身裙,外襯粉紅外套,成功在一片黑色「衫海」之中突圍而出。但Poman自爆,呢身粉色裝扮原來別有用心,目的係表明自己並無暗撐任何一方!

羅寶文為今屆十大傑青選舉上台致辭。

Poman上台致辭時,劈頭就大嘆:「近期每日睇新聞,都感到好痛心,社會未試過咁大分化」,仲希望大家可冷靜處理,理性思考,又話呢一刻最需要鼓勵對話,而非對抗喎!

佢仲自爆,揀衫出席今次活動相當頭痛,因為紅、黃、藍同白色等都各有含義,為咗唔想錯誤表態,結果終於挑選最穩陣嘅粉紅色,仲強調粉紅色係代表和平咁解喎!

第一手消息請下載on.cc東網iPhone/iPad/Android/Windows Phone Apps